बुद्ध एयरका दुई पाइलट पक्राउ

काठमाडौँ १२ भदौ ।  प्रहरीको केन्द्रीय अनुसन्धान ब्युरोले दुई नक्कली पाइलट पक्राउ गरेको छ। बुद्ध एयरमा कार्यरत दुइ पाइलटको शैक्षिक प्रमाणपत्र नक्कली रहेको सूचनाको आधारमा पक्राउ गरिएको हो ।
पक्राउ पर्नेमा रुपन्देही स्थाई घर भएका बुद्ध एयरका पाइलट राजकुमार श्रेष्ठ र काठमाडौँ –  ३३  डिल्लीबजारका बुद्ध एयरका पाइलट स्वच्छन्द घले रहेको प्रहरीले जनाएको छ ।
पक्राउ परेका दुवैलाई सरकारी छाप दस्तखत कीर्तेमा मुद्दा चलाउने तयारी प्रहरीले गरेको छ । नेपाल नागरिक उड्डयन प्राधिकरण संग समन्वय गरी प्राधिकरणबाट अनुमति पत्र प्राप्त गरेका बिमान चालकहरूको शैक्षिक प्रमाण पत्रहरू निरन्तर रुपमा छानविन भईरहेको प्रहरीले जनाएको छ ।